Organisasi Kesehatan Dunia utawa WHO (World Health Organization) wis netepake wabah Virus Corona kuwi minagka pandemi global. Dadi waong mBlora, kita wajib bersyulur, nganti ing akhir April 2020 – mung ana kasus 1 lan 6 pawongan sing kalebu PDP.
Kudu Yakin
Yakino, ruwet rentenging kahanan sing ana ya merga anane pagebluk Virus Corona, wis mesthi ana hikmah utawa pengajaran sing banget larang regane sing kita undhuh. Gusti mono wis mesthi bakal menehi kenikmatan nanging tetep karana ujian. Anane musibah, ning swalike mesthi ana hikmahe.
Anane pageblug Virus Corona (Covid -19) kuwi musibah, tartamtu awake dhewe kabeh kudu yakin ing sewalike musibah kuwi mau ana mutiara hikmah kang banget-banget gedhene. InsyaAllah mutiara hukmah iku mau luwih dahsyat saka sisi musibahe.
Kaya to, hikmah kang isa dipetik saka musibah virus Corona, anane Kepedulian, kepekaan lan kesetiakawanan sosial ing masyarakat sing teus ningkat. Anane pandemi virus corona sing ngakibatke korban langsung utawa ora langsung, banget-banget nyita perhatiane warga masyarakat kanggo simpati lan sayuk, gotong royong menehi bantuan kanggo pawongan sing kena dampak virus kuwi.
Delengen wae, akeh pawongan kang mbagekake masker, hand sanitizer kanggo wong kang kurang mampu. Sakliyane kuwi akeh wong kang yumbang duit kanggo nggawe APD (alat pelindung diri) sing disumbangake ning Rumah Sakit lan tenaga medis sing banget mbutuhake.
Malah ana uga sing nyumbang konsumsi, sembako kanggo wong-wong kurang mampu, kanggo para pekerja swasta sing kena imbase Covid -19. Kudu tenguk-tenguk ing omah.
