Kabare partai Nasdem sing kursine akeh uga durung duwe calon. Ketua nasdem di ditakoni pawarta jare nunggu hasil survey. Calon saka pendapa sing digadhang-gadang dadi calon kuat uga durung pasti. Mbah Abu sing nomer siji saka hasil survey uga durung madeg nyalon.
Calon non partai utawa jalur independen uga positif ora ana. Soale ditunggu KPU nganti tanggal 23 Februari jam 23.59 ora ono sing daftar.
Ora Gampang
Nyalon bupati kuwi pancen babagan sing ora gampang lan sepele. Akeh sing dadi pertimbangan lan persiapane. Nyatane akeh sing ora wani.
“Lha yen nganti pendaftaran KPU ditutup calone mung sak pasang lak ora sida pilbup mas? ” Kang Darno sing kawit mau nggatekke rembugan soal pilbup iki mau melu nyaut takon.
“Yen aturane ono perpanjangan wektu pendaftaran” mas Giyo nyoba nyampekke hasil sinaune saka buka internet wingi babagan pilkada.
“Yen pancen nganti wektu perpanjangan entek yo terpaksa calon tunggal” karo nyokot limpang-limpung mas Giyo njelasno..
“Lak musuh bumbung kosong mas?” Lek San takon penasaran. “Gak pinuk gak asyik gak rame ah..” durung dijawab lek San nggremeng dewe.
“Malah ana sing omong jare mateni demokrasi, lha yen pancen kenyataane ngono kuwi ora ono sing wani nyalon trus piye..?” mas Giyo mulai ceramah politik maneh.
“Nyatane kira-kira calon tunggal uga akeh ning liya daerah. kabare ana 6 kabupaten kota. Grobagan, Semarang trus mbuh ngendi maneh liyane aku lali..”
Sing ning warung pada meneng ngrungoke keterangan mas Giyo.
“Jare pak Budi PKS sikape piye mas Yo?” Kang Darno sing anake mergawe melu pak Budi nanjehno takon
“Jare pak Budi intine piye wae PKS siap. calon tunggal siap, ana rivale ya siap,” jawabe mas Giyo manteb karo klengseng-klengseng metu warung.
Gerimise ya wis terang, malah langite kepara ketok biru. Cerah lan padang. *)
