” BUPATI mBlora sing akrab disapa Gus Arief ngucapake matur nuwun marang Presiden Jokowi sing wis paring bantuan sapi ing Idul Adha 1444 H kanggo mBlora. “Atas nama masyarakat Kabupaten Blora ngaturake panuwun marang Presiden Joko Widodo lan kabeh pihak sing melu terlibat. “
BLORA,topdetiknews.com – Taun iki, ing dina Riyaya Idul Adha 1444 H, mBlora ketiban sampur, nampa sapi kurban saka Presiden RI, Ir. Joko Widodo. Sapi Simmental sing bobote luwih saka sak Ton iku dialamatke ing Desa Sidomulyo, Kecamatan Banjarejo. Kampung halamane pemain bal-balan Indonesia sing kondang, Pratama Arhan.
Sapi saka Presiden Jokowi dipasrahake Sekretaris Daerah Provinsi Jawa Tengah Sumarno, S.E., MM, didampingi Bupati Blora, H. Arief Rohman, S.IP., M.Sc, karo panitia kurban Roudhotul Jannah. Masjid, Desa Sidomulyo, Kecamatan Banjarejo, Kamis (29/6/2023).
Ing pasrah kasebut, Bupati Arief nyuwun marang panitia kurban supaya nyembelih kewan kurban miturut syariat Islam. “Sapi iki dakpasrahake lan titipke supaya disembeleh kanthi bener miturut syariat Islam, lan disebarake marang sing duwe hak,” ujare.
Bupati sing akrab disapa Gus Arief ngucapake matur nuwun marang Presiden Jokowi sing wis paring bantuan sapi ing Idul Adha 1444 H kanggo mBlora. “Atas nama masyarakat Kabupaten Blora ngaturake panuwun marang Presiden Joko Widodo lan kabeh pihak sing melu terlibat. “
Kajaba iku, Gu Arief uga ngucapake matur nuwun marang Pemprov Jawa Tengah kang wis paring pambiyantu renovasi telung omah ora layak huni (RTLH) gungunge Rp 60 yuta. Uga bantuan 250 paket sembako sing gunggunge Rp 60 yuta.
Sauntara kuwi, Sekretaris Provinsi Jawa Tengah, Sumarno pesen supaya momentum Idul Adha bisa dadi inspirasi kanggo melu ngatasi kemiskinan ing Jawa Tengah.
Wujud Kepedulian
Bupati sing akrab disapa Gus Arief iku mratelakake, bantuan sapi saka Presiden Jokowi lan bantuan saka Pemprov Jawa Tengah minangka wujud kepedulian tumrap masyarakat Blora mligine Desa Sidomulyo.
Nalika sapi kasebut teka, Pemkab Blora lumantar Dinas Pangan, Pertanian, Peternakan, lan Perikanan (DP4) mesthekake sapi sing diparingake Presiden Jokowi sehat.
“Wis dipriksa karo dokter, alhamdulillah sehat. Wiwit saka njaba, kalebu rongga alam, cangkeme, untu, kabeh powel. Tegese umure luwih saka 2,5 taun utawa telung taun luwih,” ujare Kepala Bidang Kesehatan Hewan DP4 Kabupaten Blora, Tejo Yuwono.
Gus Arief uga nyuwun marang para dokter hewan sing tugas, ndampingi nganti rampung. Ing papan penyerahan sapi Presiden Jokowi, Gus Arief salaman lan takon kepriye kahanane wong tuwane Pratama Arhan.
Perlu dimangerteni, saliyane sapi paringane Presiden Jokowi, panitia qurban Masjid Roudhotul Jannah uga nyembelih kewan kurban sing cacahe sapi telu lan wedhus lima. *)
Pewarta : Muji
Editor : Daryanto
